Euskal kulturari egiten zaion omenaldiak izaten dira Euskal Jaiak; euskal
gastronomia, dantza, kultura eta herri kirolaz betez herrietako kaleak, Euskal
Folkloreko jaia bihurtuz.
Ondorioz, herritarrak antzinako garaietan baserritarrak hirira jaisteko
erabiltzen zituzten arropa dotoreak janzten dituzte eta orduko ohiturak
gogorarazten dira. Batzuk egun horretarako propio aurreko asteetan euskal
dantzak entsaiatzen dituzte, beste batzuk herri kiroletan parte hartzeko
prestatzen dira, herriko korala ere goiz partea kaleetan barrena abesten
pasatzeko ahotsa eta sasoi bateko abestiak prestatzen aritzen dira, beste
batzuk ordea, nahikoa dute arropak prest izaten egunak ekarriko duenaz
gozatzeko.
Gernika-Lumon larunbat honetan, urriaren 4an, ospatuko da Euskal Jaia.
Urteen poderioz jai ospakizun garrantzitsua bihurtu da, hilabete horretan
ospatzen diren beste bi azoka nagusirekin batera: urriko lehen astelehena eta
urriko azken astelehena. Egun horretan ez da faltako zer ikusi, egin edo
dastatzekorik. Goizean, sukalki eta ardoaren merkatu bereziarekin emango zaio
hasiera egunari, 12etan txupinazoa izango da eta herriko kaleetan zehar
kantagunea, Elai Alai dantza taldeko kideak eta Segundo Olaeta musika eskolakoen
kalejira egongo da. Hauez gain Herri Kirolen erakustaldiak eta Elai Alai dantza
taldekoen Erregelak ere ikusteko eta bertan parte hartzeko aukera izango da.
Arratsaldean, herri bazkariaren ondoren, turutada eta erromeriaz ere gozatu
ahal izango da .
Urune hotelak ere bat egin nahi du jai honekin. Animatu zaitez gurekin Euskal
kultura tradizionalean murgiltzera!
Izaro Bideguren
La fiesta vasca, Euskal Jaia, se suele celebrarse
como homenaje a la cultura vasca, siendo habituales los bailes, cancioneros y
gastronomía vasca así como los deportes rurales típicos llamados Herri Kirolak.
.jpg)