URUNE ATONTZEN LEHIAKETA

Gabonak heltzear daude eta beste behin ere Urune Hotela apaintzeko zuen laguntza eskatzera gatoz. Gure gabon zena hobekien islatzen duen proposamenak gainera, saria izango du: gau bateko egonaldia, bi pertsonentzako afari eta buffet erako gosariarekin Urune Hotelean. Honez gain, parte hartzen duzuen guztiok Urune Hoteleko egonaldietan beherapenak jasoko dituzue.

2011ko irabazlea: MIguel Bargalló (katalunia)

Lehiaketaren oinarriak:

• Gure web orrialdean sartu eta apaindu nahi duzuen gela aukeratu.
• Material berriztagarri edo eta ekologikoekin egindako gabon objektu edo motibo original eta sormenaz beterikoa proposatu. Objektu/Motibo hori, Urune Hotelaren estilo eta printzipioekin bat etorri beharko da (gure web orrialdea bisitatzea gomendatzen dizuegu).
• Egindakoaren xumetasuna eta kostu baxua baloratuko da (jasangarritasun printzipioak).
• Proposamenak urune@urunehotela.com helbide elektronikora bidali, mezuaren gaian “Urune atontzen” jarriz edo Uruneko Facebook orrialdean sartuz, argazkiaren izenburua “Urune atontzen” izanik.
• Gabon objektu edo motiboa, marrazki edo zirriborro, maketa baten argazki edo Urunen garatu daiteken ideia baten azalpen zehatza izan daiteke. Honez gain, proiektu osoa eginda ere bidali dezakezue.
• Proposamenak jasotzeko azken eguna 2012ko abenduaren 15a izango da.

Proposamenen aukeraketa:

• Urune Hoteleko taldeak, goiko ezaugarrietara hobekien egokitzen den proposamena aukeratuko du.
• Erabakia abenduaren 17an argitaratuko da Facebook orrialdean eta irabazleari zein parte hartzaile guztiei, zuzenean deitu edo mezua bidaliko zaie bakoitzaren helbide elektronikora.

Sariak:

• Irabazleak Urune Hotelean gau bateko egonaldia jasoko du, bi pertsonentzako afari eta buffet erako gosaria barne.
• Goiko ezaugarriak betetzen dituzten parte hartzaile guztiek Urune Hotelean egindako erreserba batean %20ko deskontu zuzena izango dute.
• Sariak Urune Hoteleko erabilgarritasunaren arabera izango dira.
• Sari hauek behe denboraldirako dira (2013ko abuztuaren 1etik 31ra ezik).