Abenduaren 3an Euskararen
Nazioarteko eguna ospatu zen eta ondorioz, munduan zehar hainbat ekitaldi egin
ziren egun hau ospatzeko. Ekialdetik hasi eta Mendebala arte, gure mugetatik
at, kantaldi, irakurketa saio, bazkari eta edari antolatu zituzten, batez ere
Euskal Etxe ezberdinen eskutik.
Gurean ere izan zen bai, ekitaldia
nahikoa, hala nola, Donostian antolaturiko “Ika-Mizka” mahai inguruak edo Gasteizen
egindako sari banaketa, euskara sustatzen lagundu duten gasteiztar ezberdinei Luzarraga
sariak banatuz, alegia.
Lan munduan ere euskararen erabilera
sustatzen duten erakundeei ziurtagiriak banatu zitzaizkien azaro bukaeran. Gero
eta gehiago izanik Bikain ziurtagiriak lortzera animatzen direnak aurten 121
erakunde izatera iritsi dira eta horretarako ebaluatzaile klubean 320 pertsonek
dihardute lanean.
Ondorioz, Euskararen nazioarteko
eguna egunero izan dadin lan egiten dugunok gero eta gehiago garela esan
daiteke. Guk, Urune Hotelean eta baita Enbor Kontsultoreaken ere, euskarari
bere tokia eman nahi izaten diogu eskainitako zerbitzu guztietan euskararen presentzia
bermatuz.
Izaro Bideguren
No hay comentarios:
Publicar un comentario